کوشیان و زەخمداری ٥ کەس وە رویداویگ هاتوچو لە نەجەف
2023-08-13T15:34:23+00:00
شەفەق نیوز/ سەرچەوەیگ ناوخوەیی، ئمڕوو یەکشەممە، خەوەردا لە کوشیان و زەخمداری ٥ کەس وە رویداویگ هاتوچو لەناوڕاس شار نەجەف.
سەرچەوەگە ئەرا ئاژانس شەفەق نیوز وت: رویداویگ هاتوچو لەناوەین دوو ماشین لەبان ری بوحداری (قابزولئەرواح) (گیانسین) لەناوڕاس شار نەجەف بویە هوکار کوشیان دوو کەس و زەخمداری سێ کەس.
سەرچەوەگە وتیش؛ دەزگایل پەیوەنیدار تەرم دوو قوربانیەگە ئەرا پزشک دادوەری کل کردن، و زەخمدارەیل ئەرا خەسەخانە.
