کوشیان و زەخمداری ٦ کەس لە دوو رووداو لە واسیت و نەینەوا
شەفەق نیوز/ یەک کەس کوشیا و ٥ کەس زەخمدار بوی، لە دوو رووداو هاتوچوو، ئمڕوو دووشەممە، لە پارێزگایل واسیت و نەینەوا.
وەڕێۆبەرایەتی هاتوچوو واسیت لە بەیاننامەیگ رەسیە ئاژانس شەفەق نیوز وت: رووداویگ هاتوچوو لە بەیاننامەیگ رەسیە ئاژانس شەفەق نیوز وت: رووادەوەیگ هاتووچو لە پارێزگای واسیت لە نزیک خاڵ کوت - بەغداد لەناونی سێ ماشین، یەکیگ مارکەی BMW ، و ئەوەکە مارکەی چارجەر، و سێەمەگە مارکەی کۆستەر بوی.
وتیش؛ هووکار رووداوەگە لەوەر ئەوە بوی ک ماشین بیئێمەگە وە تونی فرەیگ وەرەو کوت - بەغداد رانیاد، و تایەر نەبی تەقی، و لەوەر تونیەگەی ماشینەگەی لەدەسی دەرچگ و روی وەرەو ئەو سیادەگە کرد ک لە بەغدادەو هاتگە، ک لە نزیک خاڵەگە داگە ماشین چارجەرەگە، و ئیجا داگە ماشین کۆستەرەگە.
وتیش؛ رووداوەگە بویە هووکار کوشیان رانندەی ماشین بیئێمەگە، و زەخمداری چوار کەس تر.
لەلاییگ تر، سەرچەوەیگ ئەمنی ئەرا ئاژانس شەفەق نیوز وت: رانندەی تەکسییگ زەخمدار بوی لەوەر کەفتن ماشینەگەی وەناو چاڵ گەورەیگ لەنزیک دۆرەت سواس لەلای راس شار مووسڵ.
