کوشیان ژنیگ وە گولەی شویەگەی لە ناسریە
2024-04-12T06:19:15+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو جمعە، خەوەردا لە کوشیان ژنیگ وەدەس شویەگەی لە خوەرهەڵات شار ناسریە.
سەرچەوەگە ئەرا ئاژانس شەفەق نیوز وت: دەموقاڵ خیزانی رەسیە ئەوە کە پیاییگ ژن چل ساڵان خوەی وە گولەی چەک کلاشینکۆف بکوشێد، ئەوەیش لەناو ماڵەگەی لە ناحیەی (ئوور) نزیک کۆمپانیای هندی خوەرهەڵات شار ناسریە ناوەند پارێزگاگە.
سەرچەوەگە دیاری کرد کە تاوانکارەگە وەرەو شوین نادیاریگ وایە، و براگەی و یەکیگ لە کەسوکارەیلی وە توومەت بەشداریکردن لە کوشتنەگە دەسگیر کریان، و دەسنریا وەبان بڕیگ چەک و گولە لەلایان بویە، و تەرم قوربانیەگە ئەرا پزشک دادوەری بریا.
