کوشیان مناڵیگ و رانندەیگ ودوو زەخمداری وە رویداوەیلیگ جیاجیا لە عراق
شەفەق نیوز/ سەرچەوەیلیگ ئەمنی عراقی، ئمڕوو یەکشەممە، خەوەردان لە کوشیان مناڵیگ و رانندەیگ و زەخمداری دوو کەس وە رویداوەیلیگ جیاجیا لە پارێزگایل دیالە و بابل و سەڵاحەدین.
سەرچەوەیلە ئەرا ئاژانس شەفەق نیوز وتن: مناڵیگ وە ئاگر ناو ماڵیگ لە ناوچەی شتیتە لە قەزای بەلەد لە پارێزگای سەڵاحەدین گیانی لەدەسدا، هەرچەن کادرەیل پزشکی لە خەسەخانەی گشتی بەلەد تەقەلای رزگارکردنی دان.
وتیش: بنکەی وەرگری شارستانی بەلەد ئاگرەگە کپەو کرد.
لەلای خوەییش، وەرگری شارستانی لە پارێزگای بابل وت: تیمەیلی تەرم رانندەیگ لەناو ماشینیگ پاس دراوردن، دویای ئەوە ک داگە ماشینیگ ترێلە لەبان ری بابل-بەغداد لە ناحیەی ئیسکەندەریە.
و دیاری کرد ک توەنستن تەرمەگە لەناو ماشینەگە درارن وە ئامێر بڕین و جیاکردن و رزگارکردن، و دریا دەس پزشک یاسایی.
لە دیالە دوو کەس زەخمدار بوین، یەکیگیان زەخمەیلی سەختە، ئەوەیش وە گولەی کەسەیلیگ نەناسریاگ لەبان ری مەنەلی-بەلەدرووز، و سەرچەوەگە مەزەنە کرد ک پەلامارەگە تاوانی بویە نەگ تیرۆری.
