بڕین کەهرەبا لە سێ پارێزگای عراقی دویای تەقینەوەیلیگ
شەفەق نیوز/ سەرچەوەیلیگ ئەمنی لە دیالە و سەڵاحەدین، خەوەردان لە تەقانن وسزانن ویستگەی کەهرەبا لە دەورگرد ناحیەی جەلەولا لەلایەن ئەناندامەیل داعش، ک تەقانن تاوەرەیل ناوبەین دیالە و سنوور کەرکوک بوینە هووکار بڕین کەهرەبا لە بەشەیل فراوانیگ لە سێ پارێزگا.
سەرچەوەگە ئەرا ئاژانس شەفەق نیوز وت: ئەندامەیل داعش دزە وەرەو گەڕەک شوهەدا لە باکوور ناحیەی جەلەولا کردن، و بومب دانانە ناو ویستگەی کەهرەبای (سەید جابر) و ئاگری دان، و دویای وەشوون کەفتنیان لەلایەن هێزە ئەمنیەگان و حەشد شەعبی پەنا وە واین بردن.
سەرچەوەگە دووپات کرد ک بۆشایی لە ناوچە باکووریەگان لە دەورگرد جەلەولا شەوانە وەشیوەیگ وەردەوام هەس، ک دەرفەت داگە ئەندامەیل داعش ئەرا دزەکردن و جیوەجیکردن پەلامارەیلیگ لە ماوەی ٧٢ ساعەت گوزەیشتە.
لە چینیگ هاوشیوە، سەرچەوەیگ وەرپرس لە سەڵاحەدین خەوەردا لە بڕین وزەی کەهرەبا لە فرەترین بەشەگان لە پارێزگایل (کەرکوک، سەڵاحەدین، نەینەوا) لەوەر خراوکردن تاوەرەیل گواستنەوەی کەهرەبا لە ناونی سنوور دیالە و کەرکوک و سەڵاحەدین لەلایەن ئەندامەیل داعش.
