کوشیان ٤ مەدەنی وە دوو رویداو جیاجیا لە سەڵاحەدین
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە کوشیان ٤ مەدەنی وە دوو رویداو جیاجیا لەبان ری بەغدا-کەرکوک ناوبەین سەڵاحەدین و کەرکوک.
سەرچەوەگە ئەرا ئاژانس شەفەق نیوز وت: ٣ مەدەنی لەبان ری کەرکوک – بەغداد ناوبەین سەڵاحەدین و کەرکوک وە رویداویگ هاتوچو ناوبەین ماشینیگ جکسارە و ماشینیگتر و سزیانی وەتەواوی گیانیان لەدەسدان.
وتیش: تیمەیل فریاکەفتن و وەرگری شارستانی رەسینە شوین رویداوەگە و ئاگرەگە کپەوکردن و تەرمەیل ئەرا خەسخانە کلکرد.
لە رویداویگتر، وەگورەی خود سەرچەوەگە، کوڕیگ لە تەمەن ١٠ ساڵان وە رویداویگ تلیان وە ماشینیگ بارهەڵگر لەبان ری بەغدا-کەرکوک نزیک ئاوای عەسریە لە دەورگرد دووزخورماتوو گیانی لەدەسدا، و دیاری کرد ک کوڕەگە خەڵک ئاوای مەفتول بوی.
وتیش: تەرم کوڕەگە ئەرا پزشک دادوەری بریا، و دەسەڵاتەیل هاتوچو لێکۆڵینەوە لە رویداوەگە واز کردن.
