کوشیان ٦ کەس لە یەک خیزان وە رویداویگ هاتوچو لە شرقات

شەفەق نیوز/ سەرچەوەیگ ئەمنی لە سەڵاحەدین، ئمڕوو پەنجشەممە، خەوەردا لە بەرزەوبوین ئامار قوربانیەیل رویداویگ هاتوچو لە دەورگەرد قەزای شرقات، ئەرا کوشیان و زەخمداری ١٦ کەس. 

سەرچەوەگە ئەرا ئاژانس شەفەق نیوز وت: ٦ مەدەنی لە یەک خیزان گیانیان لەدەسدان، و ٨ کەسیش زەخمدار بوین، لە رویداویگ هاتوچو ناوبەین چەن ماشینیگ، دویەشەو لەوەخت دیریگ، لە ئاوای نایفە سەروە ناحیەی ئاشوور لە قەزای شرقات باکوور سەڵاحەدین.  

وتیش: خیزانە قوربانیەگە لەڕی گلەوخواردن لد ئاهەنگ سۊریگ بوین، و ماشینیان کەفتە وەر رویداویگ دڵتەزن، لەوەر ناهوشیاری وپشتگووشخستن هاتوچو، وتیش: قوربانیەیل ئەرا پزشک دادوەری بریان، و دەسکریا هەڵمەتیگ وەخشین خوین ئەرا زەخمدارەیل.