کوشیان رانندەی تەکسییگ وە پەلاماریگ چەکدار و کەفتن زەخمداری لە مرافەیگ هەوڵانە لە دوو پارێزگا

شەفەق نیوز/ سەرچەوەیگ ئەمنی لە پارێزگای نەجەف، ئمڕوو شەممە، خەوەردا لە کوشیان رانندەی تەکسییگ لەناوڕاس پارێزگاگە وە پەلاماریگ چەکدار.

سەرچەوەگە ئەرا ئاژانس شەفەق نیوز وت: خاوەن ماشینیگ "سۆرینتۆ" تەقە لە رانندەی تەکسییگ لە ناوچەی حەی عەسکەری لە شار نەجەف کرد و وەکوتپڕ کوشتەی، وەبی زانست هووکارەیل ئەو رویداو تاوانیە.

سەرچەوەگە دیاری کرد ک بکوشەگە وەرەو شوین نادیاریگ وای، و دەزگا ئەمنیەیلە رەسینە شوین رویداوەگە، و لێکوڵینەوە لە رویداوەگە واز کردن.

هەرلیوا، سەرچەوەیگ ئەمنی وت: سێ کەس وە مرافەیگ هەوڵانە لەبان پارچە زەوییگ لە ناوچەی بو عەلوان لە قەزای محاویل باکوور پارێزگای بابل زەخمدار بوینە.