چیرۆک دووسی بوودە تاوان رفانن و دەسدروژی و دزی لە نەجەف

شەفەق نیوز/  سەرچەوەیگ ئەمنی لە نەجەف، ئمڕوو دووشەممە، ئاشکەرایکرد دویەتیگ لە پارێزگای بابل  کەفتیەسە وەر رفانن و دەسدرویژی و  دزی وەلایەن دوو کوڕ.

لەباوەت هویردەکاری باوەتەگە، سەرچەوەگە ئەرا ئاژانس شەفەق نیوز باسکرد، " دویەتیگ لە پارێزگای بابل لە ماڵ خوەیان لە حلە وایە، لە دویای ئەوەگ پارەی خیزانەگەی دزیە وە بڕ 15 ملیۆن دینار عراقی و بڕ دوو ملیۆن دینار تەڵا لە دویای رێککەفتن وەگەرد دووسە نەجەفیەگەی".

وتیش،" دویەتەگە وەگەرد رانندەیگ رەسیەسە شار نەجەف، هەنای رەسێدە پارێزگاگە باوەتەگەی ئاڵشتبوود ئەرا رفانن و چەن جاریگ دەسدرویژی وەبان دەس دوو کور، و ئەو پویلەیش دزن کلە کەسوکاری دزیە وەگەرد تەڵاگە، یەکیگیان وە دووسداشتن خەڵەتانیەسەی.

سەرچەوەگە ئاشکەرای کرد" هیزەیل ئەمنی تایبەت ئاخڵەی شوین رفاننەگە دانە، یەکیگ لە تاوانبارەیل دەسگیرکردنە، دویەتەگە ئازاد کردنە، وەپای زانیاری سەرەتایەیل تاوانبارەگەی تر ئەرا پارێزگای کەرکوک وایە.