کوشیان دوو کەس لە نەجەف

شەفەق نیوز/ سەرچەوەیگ ئەمنی لە نەجەف، ئمڕوو یەکشەممە، خەوەردا لە کوشیان و زەخمداری سێ کەس وە دوو رووداو جیاجیا لە پارێزگاگە.

سەرچەوەگە ئەرا ئاژانس شەفەق نیوز وت: گەنجیگ لە تەمەن ٢٦ ساڵان وە گولەی کەسیگ تر کوشیا و بکوشەگە وەرەو شوین نادیاریگ وای، و تا ئیسە هووکارەیل تاوانەگە ئاشکرا نەویە.

وتیش؛ مرافەیگ وەچەک چەرمگ کەفتە ناوبەین سێ کەس بویە هووکار کوشیان کابرایگ وەناو (حەمودی حاری) و زەخمداری پیاویگ چل ساڵان لەوەر گرفتەیلیگ لەناوبەینیان.

 وتیش؛ پۆلیس دوو تەرمەگە وەرەو پزشک دادوەری رەوانە کرد و زەخمدارەگە وەرەو خەسەخانە بریا.