گورزیگ ئاسمانی لە دیالە سێ ئەندام داعش لەناو دەێد
2022-05-29T07:47:14+00:00
شەفەق نیوز/ شانەی راگەیانن ئەمنی سەروە سوپای عراق، ئمڕوو یەکشەممە، خەوەردا ک فڕۆکەیل جەنگی گورزیگ ئاسمانی لەبان ئەشکەفتیگ وەشانن ک ئەندامەیل داعش لەناو زنجیرەی کویەیل حەمرین لە پارێزگای دیالە خوەیان لەناوی قایم کەن.
شانەگە لە بەیاننامیگ وت: وە سەرپەرشتیاری فەرماندەی ئۆپراسیۆنەیل هاوبەش وەگورەی زانیارییەیل هەواڵگری هویرد لەلایەن دەزگای هەواڵگری نیشتمانی عراق وەهەماهەنگی وەگەرد شانەی ئامانجکردن سەروە فەرماندەی ئۆپراسیۆنەیل هاوبەش، دوو گورز ئاسمانی وە فڕۆکەی F_16 ی عراقی وەشانن، بویە هووکار کوشیان ٣ تیرۆرست و زەخمداری یەکیگتر، و خاپوورکردن ئەشکەفتیگ لەناوچەی زرلوک لە کویەیل حەمرین لە دیالە.
