واسیت.. تەقەلای کوشتن چالاکوانیگ مەدەنی
2021-08-08T06:35:10+00:00
شەفەق نیوز/ سەرچەوەیگ خۆجێیی لە پارێزگای واسیت، ئمڕوو یەکشەممە، خەوەردا لە رزگاربوین چالاکوان مەدەنی قاسم عیسا لە تەقەلای کوشتنی وەدەس کەسەیلیگ نەناسریاگ تەقە لەلی کردن و زەخمدار چەن گولەیگ بوی.
سەرچەوەگە ئەرا ئاژانس شەفەق نیوز وت: چەکدارەیلە وەرەو شوین نادیاریگ واین، و زەخمدارەگە وەرەو خەسەخانە بریا.
وتیش: عیسا وەکوتپڕ خریا ژیر نەشتەرگەری لەوەر ئەو زەخمەیل سەختیە.
