رزگاربوین دوو چالاکوان مەدەنی لە تەقەلای کوشتن لە باشوور عراق

شەفەق نیوز/ محمد جەمیل مەیاحی پارێزگار واسیت، ئمڕوو یەکشەممە، خەوەر لە رزگاربوین دوو چالاکوان لە تەقەلای کوشتنیان وەدەس چەکدارەیلیگ نەناسریاگ لە ناوڕاس پارێزگاگە دا.

مەیاحی لە بەیاننامەیگ رەسیە ئاژانس شەفەق نیوز وت: دوێەشەو دووان لە چالاکوانەیل مەیدان ناڕەزایەتیەگان کوت کەفتنە وەر تەقەلای کوشتنیان وە گولە وارانکردن ماشینەگەیان لە وەخت دیریگ.

وتیش؛ رەتکردن یەکجاریمان دووپات کەیمن لە وەکارهاوردن چەک یا هەڕەشەی ژیان چالاکوانەگان یا هەر هاووڵاتییگ تر.

هەمیش وت: لە ئاست کەسایەتی خوەم بڕوا وە وەکارهاوردن چەک و هەڕەشە نەێرم، و هیچ ری نییەم ک پارێزگاگەمان وەرەو هەر تەقەلایلیگ دژوە شەرع و یاسا بووڕیەێد، و لە وەرجە ساڵیگ هەنای خۆپیشاندانەگان دەس وەپی کردن رکدار بویم تا وەکارهاوردن چەک لە پارێزگاگە دویرەو بخەم، هەرچەن بەشیگ هەس ک هیمان تینی خوینە.