واران و داوەزیان گەرمی.. کەشوهەوای عراق لەی هەفتە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو سێشەممڵر لە ناوچەی ناوڕاس و باشوور رووشنە تا نیمچە ئەورە، ولە ناوچەی باکوور نیمچە ئەورە و جاروباریش ئەور تەواوە وەگەرد نمە وارانیگ مەوقەی شەو، و پلەی گەرمی لە گشت وڵاتەگە نزیک رووژ وەرجە خوەیە.
وتیش: رووژ چوارشەممە، لە ناوچەی ناوڕاس نیمچە ئەورە تا ئەور تەواوە وەگەرد نمە وارانیگ، و پلەی گەرمی نزیک رووژ وەرجە خوەیە، و لە ناوچەی باکوور ئەورە وەگەرد نمە وارانیگ و وەفر لە چەن شوینیگ وارێد، و پلەی گەرمی چەن پلەیگ نزمەو بوود، و لە ناوچەی باشوور رووشنە تا نیمچە ئەورە، و پلەی گەرمی کەمیگ بەرزەو بوود.
دەسەگە وتیش: رووژ پەنجشەممە، لە ناوچەی ناوڕاس رووشنە تا نیمچە ، و لە ناوچەی باکوور نیمچە ئەورە تا ئەور تەواوە وەگەرد نمە وارانیگ لە شوینەیلیگ جیاجیا و لە چەن شوینیگ وەفر وارێد، و لە ناوچەی باشوور رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باشوور کەمیگ نزمەو بوود، و لە ناوچەی باکوور نزیک رووژ وەرجە خوەیە.
دیاری کرد کە کەشوهەوای وڵاتەگە ئەرا رووژ جمعەی ئایندە، لە ناوچەی ناوڕاس رووشنە تا نیمچە ئەورە، و لە ناوچەی باکوور نیمچە ئەورە وەگەرد نمە وارانیگ جیاجیا و لە چەن شوینیگ وەفر وارێد، و لە ناوچەی باشوور رووشنە وەگەرد لەکە ئەور، و پلەی گەرمی لە بەشەیل ناوڕاس و باکوور کەمیگ نزمەو بوود، و لە ناوچەی باشوور نزیک رووژ وەرجە خوەیە.
