چوار ناوچە لە عراق لەناو لیست بەرزترین گەرمی لە جهان
چوار ناوچە لە پارێزگایل بەسرە و میسان لە عراق کەفتنە ناو لیسا ناوچەیل بەرزترین پلەی گەرمی لە جهان لە ماوەی ٢٤ ساعەت گوزەیشتە.
ویستکەی پلاسیرفیلی لە کالیفۆڕنیای ئەمریکا خشتەیگ وە بەرزترین پلەیل گەرمی لە جهان بڵاو کرد، ک ناوچەی لوفی لوفی لە دەوڵەت ساموا بەرزترین پلەی گەرمی لە جهان تۆمار کرد وە ٥٣،٢ پلەی سەدی، ئیجا ناوچەی دارفاز لە تاجیکستان وە ٥١ پلەی سەدی، ئیجا فڕۆکەخانەی ناودەوڵەتی بەسرە وە ٥٠،٨ پلەی سەدی، و لە پشتی ناوچەی ئەهواز لە ئیران وە ٥٠،٦ پلەی سەدی، و ناوچەی عمیدیە لە ئیران کەفتە پلەی پەنجەم وە ٥٠،٣ پلەی سەدی.
شار عمارە لە پارێزگای میسان لە عراق لە پلەی شەشەم لیستەگە بوی ک ٥،٢ پلەی سەدی تۆمار کرد، و ناوچەی عەبادان ئیران بویە هەفتەم وە ٥٠ پلەی سەدی ، ئیجا ناوچەی حوسەین لە بەسرە وە ٥٠ پلەی سەدی، و ناوچەی عەلی غەربی لە پارێزگای میسان کەفتە پلەی ١٣ هەم وە ٤٩،٥ پلەی سەدی.
لەی خوارە لیست بەرزترین پلەیل گەرمی لە جهانە.
