وینە.. پەیاکردن پارچەیلیگ ئاسەواری لە سەردەم دەوڵەت ئەتابکی لە شار مووسڵ
شەفەق نیوز/ زانایگ ئاسەواری لە پارێزگای نەینەوا، ئمڕوو پەنجشەممە، خەوەردا لە پەیاکردن پارچەیگ ئاسەواری لە سەردەم دەوڵەت ئەتابکی، لەناو مزگەفتیگ خوەرئاوای شار مووسڵ.
ئەحمەد قام جومعەی زانا ئەرا ئاژانس شەفەق نیوز وت: چوار پارچەی ئاسەواری و میحرابیگ لە ساڵەیل ١١٩٣ تا ١٢١٠ی زایینی لە مەوقەی کار ئاوەدانکردن کزگەفت ئیمام موحسن لە گەڕەک شەفا خوەرئاوای مووسڵ پەیا کریا، ک مەکتەو نووریە لە کۆتایی سەدەی شەش کووچی لەورا بویە.
سەرچەوەیل میژووی وئاسەواری باس ئەوە کەن ک یەکەم جار مزگەفتەگە مەکتەویگ بوی وەناو مەکتەو نووری، ک نورەدین کوڕ عزەدین یەکیگ لە پیاوەیل دەوڵەت ئەتابکی لە کۆتایی سەدەی پەنجەم کووچی بینای کرد، ودویای سەدەی هەشتەم کووچی وە مەشهەد ئیمام موحسن ناسریا، دویای ئەوەگ بەدرەدین لوئلوێ مەشهەد ئیمام موحسن کوڕ ئیمام عەلی لەناو یەکیگ لە ژوورەیل مەکتەوەگە بینا کرد.
