وە ماوەی چەن ساعاتیگ.. دۊیەم کوشتن لە دیالە  

شەفەق نیوز/ سەرچەوەیگ ئەمنی لە دیالە، ئمڕوو چوارشەممە،  خەوەردا لە توومارکردن دۊیەم رووداو کوشتن لە پارێزگاگە وە ماوەی چەن ساعاتیگ،  ئەوەیش وە کوشتن مەدەنییگ لە ناحیەی ئەبوسێدا.       

سەرچەوەگە ئەرا ئاژانس شەفەق نیوز وت: چەکدارەیلیگ نەناسریاگ، ئیوارەی ئمڕوو،  تەقە لە کابرایگ مەدەنی لە نزیک ماڵەگەی لە ئاوای زهێرات لە ناحیەی ئەبوسێدا کرد، ک وەکوتپڕ کوشیا.  

یەیش دۊیەمین رووداو کوشتنە لە دیالە، وە ماوەی چەن ساعاتیگ،  دۊیای کوشتن پۆلیسیگ وە پەلاماریگ چەکدار لەنزیک دەروازەی خەسەخانەی زەهرا، لەناوڕاس قەزای موقدادیە.