وەماوەی چەن ساعەتیگ.. پەیاکردن کوورپەیگ لەژیر پیەڵیگ لە بەغداد فڕە دریاس

سەرچەوەگە ئەرا ئاژانس شەفەق نیوز وت: هیزەیل ئەمنی ئاگاداری وەپییان رەسیە کە مناڵیگ کوورپە تەمەنی چەن ساعەتیگڵ لەژیر قیەڵ شمەک لەلای رەسافەو ناوڕاس بەغداد پایتەخت فڕە دریاس.

وتیش؛ دویای پرسین لە هاوڵاتیەیل نزیک شوینەگە رەسینە داڵگ کوورپەگە، و دەسگیر کریا.

وەرجەیە، سەرچەوەیگ لە پولیس ئەرا ئاژانس شەفەق نیوز وت: مناڵیگ لەناو کیسەی زواڵە لە یەکیگ لە ناوچەیل بەغداد پایتەخت پەیا کریا، و دیاری کرد کە مناڵەگە مردگە.

دیاری کرد کە زانیاریەیل رەسیە کە مناڵیگ کوورپە لە جادەی خزمەتگوزاری لە ناوچەی ئەمین فڕە دریاس، وتیش؛ رەسینە شوینەگە ز نەرم مناڵەگە هەڵگیرا، و هیزەیل ئەمنی دەسکردنە وەشکین لە کامیرایل چەودیاریکردن ئەرا رەسین وە تاوانکارەیل.