وەماوەی یەک رووژ.. ٤ کوشیان و ١٨ زەخمداری وە رویداوەیل هاتوچو
شەفەق نیوز/ وەڕێەوبەرایەتی هاتوچو گشتی، ئمڕوو دووشەممە، کوشیان سێ کەس و زەخمداری ١١ کەسیش، وە رویداوەیل هاتوچو لە سێ پارێزگای وەماوەی ٢٤ ساعەت گوزەشتە راگەیان، و هەمیش یەک کەس وە رویداویگ هاتوچو لە ئەنبار کوشیا و شەشیش زەخمدار بوینە
وەڕێەوبەرایەتی هاتوچو لە بەیاننامەیگ رەسیە ئاژانس شەفەق نیوز وت: رویداو لەیەکدان سێ ماشین لەبان جادەی فڕۆکەخانەی ناودەوڵەتی بەغداد بویە هووکار کوشیان سێ کەس، و زەخمداری هەشت کەستر، کەوەر تونی زیای وناوریایی.
وتیش: رویداویگ لەیەکدان لە شار عمارە ناوەند پارێزگای میسان کەفتە ناوبەین ماشینیگ مارکەی هۆندای تۆسان و ماتوورسکڵیگ "توک توک" و بویە هوکار زەخمداری کەسیگ.
وتیش: ماشینیگ مارکەی تۆیۆتا کراون لەبان ری زوبێر وەرەو قەزای سەفوان لە پارێزگای بەسرە پلیا، لەوەر تەقیان پاچگ نواینەی ماشینەگە، ک بویە هووکار زەخمداری سێ کەس.
سەرچەوەیگ ئەمنی لە ئەنبار، ئەرا ئاژانس شەفەق نیوز وت: یەک مەدەنی گیانی لەدەسدا و شەش کەسیش زەخمدار بوین، فرەیان زەخمیان سەختە، ئەوەیش وە رویداویگ هاتوچو لەبان ری قەزای حەدیسە.
