هەڵەبجە و دیالە...مردن و زەخمداری شەش کەس وە رویداو هاتوچو
شەفەق نیوز/ وەریەوبەرایەتی هاتوچو هەلبجە و سەرچەوەیگ ئەمنی لە دیالە، ئمڕوو جومعە، خەوردان لە مردن کەسیگ و زەخمداری پەنج کەس وە رویداو هاتوچو لە هەردوو پارێزگاگە، یەکیگیان وە مدووی رانندیگ سەرخوەش بویە.
وەریەوبەرایەتی هاتوچو هەڵەبجە وە ئاژانس شەفەق نیوز وت: رویداویگ هاتوچو ئمڕوو رویدایە لەمابەین دوو ماشین لە ری " سەیدسادق - هەلەبجە" لە نزیک ئاوای "تەپەڕەش" لەئەنجام رانندەی ماشینیگ لە جویر پیک ئاپ نیسان گیان لە دەسدایە و سەرنشینەگەی زەخمداربویە و رانندەی ماشینەگەیتریش تویش زەخمداری بویە.
لە دیالە، سەرچەوەیگ ئەمنی، خەوەردا لە زەخمداربوین 3 مەدەنی وە رویداو هاتوچو لە مابەین ناحیەی جەلەولا و قەرەتەپە.
سەرچەوەگە وە ئاژانس شەفەق نیوز وت، سێ مەدەنی زەخمداربوینە وە رویداو لەیەکداین دو ماشین ک رانندیگیان سەرخوەش بویە لەبان ری قەرەتەپە - جەلەولا نزیک ناوچەی نەقشبەندی لە دەوروبەر جەلەولا، وتیش، زەخمدارەیلە ئەرا چارەسەر کلکریانەس ئەرا خەسخانە، و دەسڵاتدارەیل هاتوچوی لێکۆڵینەوە لە رویداوەگە وازکردنە.
