وە ماوەی یەک رووژ.. دۊیەم خوەیکوشتن ئەندام ئەمنی لە عراق
2021-11-03T13:06:22+00:00
شەفەق نيوز/ سەرچەوەیگ ئەمنی، خەوەردا لە توومارکردن خوەیکوشتن نوویگ ئەرا پیاویگ ئەمنی لە بەغداد پایتەخت، و یە دۊیەم خوەیکوشتنە ئەرا ئمڕوو چوارشەممە.
سەرچەوەگە ئەرا ئاژانس شەفەق نیوز وت؛ پۆلیسیگ لە مقیەتیکردن دامەزراوەیلە لەناو یەکیی لە مەکتەوەیل ناوچەی جعێفر ناوڕاس بەغداد، لە مەوقەی ئەرکەگەی وە چەکەگەی گولە دادە خوەی و خوەی کوشت.
لە وەختیگ گوزەیشتە، ئمڕوو چوارشەممە، سەرچەوەیگ ئەمنی لە پارێزگای زیقار، خەوەردا لە خوەیکوشتن ئەندامیگ ئەمنی لە باشوور پارێزگاگە.
