وە شيوەی نادیاریگ.. پەیاکردن ژن و شۊییگ لەناو ماڵەگەیان کوشیانە لە میسان

شەفەق نیوز - میسا

سەرچەوەیگ ئەمنی، ئمڕوو جمعە، خەوەر دا لە پەیاکردن ژن و شۊییگ وە کوشیاگی لەناو ماڵەگەیان لە ئاوایی "ئەبو خەساف" لە ناحیەی "بەنی هاشم" سەروە قەزای کەحلا لە پارێزگای میسان.

سەرچەوەگە ئەرا ئاژانس شەفەق نیوز وت، کە پیاوەگە و ژنەگەی وە شیوەی نادیاریگ کوشیانە، بی ئەوەگ مدووەیل تاوانەگە تا وەخت ئامادەکردن ئی خەوەرە بزانرێد.

 هەمیش وت کە هیزەیل ئەمنی بازنەیگ لەشوین رۊداوەگە شوین و دەسکردنە لێکۆڵینەوەیەیل ئەرا ئاشکراکردن هۊردەکارییەیلی، لە وەختیگ ماشین فریاکەفتن هەردوگ تەرمەگە ئەرا فەرمانگەی پزیشک دادوەری لە پارێزگاگە برد.