وەزیر ناوخۆی وەرینیگ: ژمارەی داعش لە عراق لە ٥٠٠ کەس مناڵ و ژن ها ناویان رەد نێکەێد
شەفەق نیوز/ باقر جەبر زوبەیدی وەزیر وەرین ناوخۆی عراق، ئمڕوو دووشەممە، باس کرد ک ژمارەی ریخریاگ داعش لە عراق لە ٥٠٠ ئەندام زیاتر نییە، و ئاماژە کرد ک بەشیگیان کۆمەڵیگن لە مناڵ و ژن، هانە ناوچەیل حەمرین و خانوگە و متێبیجە و دەورگرد فەلوجە و حەزەر و ئاوایەیلیگ لە دەورگرد حەویجە
زوربەیدی لە پۆستیگ لەبان ماڵپەڕ فەیسبووک نووسان: هێزە ئەمنیەگان سەرکەفتن لە نواگردن داعش لە دروسکردن شانەیگ خەفتگ لە ناوچەیل دیاریگ لە بەغداد، وهەمیش ئەزموون و هووشیاری خەڵک پارێزگای دیالە نوایان لە ئارامگردن و شاردنەوە لەی پارێزگای خۆڕاگرە گرد.
وتیش؛ نووڕستیمن ک هێز ئاسمانی و فڕۆکەی سوپا لە ئامانجکردن تیرۆرستەگان گورج نەوين، هەرچەن زانیاریەیل ووردیگ لە شوونەیلیان هەس، ئەوەیش لەوەر قەیرانە داراییەگە.
زوبەیدی دووپات کرد ک پێشیلکاریە ئەمنیەگان لەبان سنوور خوەرائاواییمان هیمان مەترسیە راسیەگەس، ک هەڕەشەی وڵاتەگە دەێد، و داواي جیوەجیکردن دەرچگنەیلیگ ئاسمانی کرد دژوە حەشارگەیل تیرۆر لە کویەیل خانوگە و مەکحوول و حەمرین و گشت شوونەیلیان.
زوبەیدی باس کرد ک حەشد شەعبی و هووزانە لە وەشوونکەفتن تیرۆرستەگان لە گشت ناوچەیل ئەنبار سەرکەفتن، و زەرەدەیل گەورایگ وەپیان رەسانن، هەمیش حەشد لە سامەڕا و دەورگردی وەرگری خاسیگ لە ناوچەگە کردن، و هەمیش باس گەورەیی زەردەیلمان لە گیانە پاکەگان ئەرا شەهیدەیل و زەهدخمدارەیل کرد ک ورەی هێزە ئەمنیەگان ئەرا لەناوبردن تیرۆر زیایەو کەێد.
