وە یەک رووژ.. عراق ٢٧ ملیار دینار لە بانگەشەی پویل لەدەس دەێد
شەفەق نیوز/ خالید جەشعەمی جیگر وەرپرس دەسەی دەسپاکی لە پەرلەمان عراق، ئمڕوو دووشەممە، ئاشکرای لەدەسداین زیاتر لە ٢٧ ملیار دینار لەلایەن عراق تەنیا لە بانگەشەی پویل کرد.
جەشعەمی لەبان ماڵپەڕ تویتەر ک ئاژانس شەفەق نیوز چەودیریی کرد نووسان: زەرەدەیل دەوڵەت عراق لە بانگەشەی پویل بەد ناو لەوەر سیاسەتەیل بانک ناوەندی و پارێزگاگەی وە جینشینی، تەنیا ئمڕوو رەسیە بیسو هەفت ملیار و شەسەد مەلیۆن دینار.
وتیش؛ ئیجوور بۆێرییگ لە دزیکردن و گوماکردن دارایی گشتی نەیمە، ئایا سەرۆک وەزیران هایدە کاملا لە رەفتار پارێزگارەگە وە پێچەوانەی مەرجە یاساییەگان ک خوەدان وە جینشیتی داناینەی، ئایا گونجیەێد بانک ناوەندی دۆلار بفرووشێدە بانکە تایبەتەگان وە نرخ ١١٩ دینار ئەرا یەک دۆلار و خوەی ئمڕوو نرخەگەی رەسێدە ١٣١ دینار؟
جەشعەمی وتیش؛ ئی سووکایەتیە چەس ک وە خەیر و داهات گەل کریەێد!.
