دەسگیرکردن ئەندامیگ پویل ساختە لە دینار و دۆلار وەپی بویە لەناوڕاس بەغدا
2023-03-28T09:30:03+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا هیزەیل ئەمنی ئەندامیگ ئەمنی دەسگیر کردنە ک بڕیگ پویل ساختە لە دینار عراقی و دۆلار ئەمریکی وەپی بویە لەناوڕاس بەغدای پایتەخت.
سەرچەوەگە وە ئاژانس شەفەق نیوز وت، هیحزەیل ئەمنی وەپای بڕیار دادوەر لێکۆڵەر لەماوەی کوڵەدانان و چەودێری کردن توەنستن ئەندامیگ لە پۆلیس فیدراڵی دەسگیربکەن ک لە نزیک گۆڕەپان واسق لە ناوچەی کەرادە نیشتەجیە و 30 هەزار دۆلار ساختە ( لە جویر 100 دۆلاری) و 65 هەزار دۆلار ( لەجویر 50 دۆلاری) و 27 ملیۆن دینار عراقی ( لەجویر 25 هەزار دینار) 2 ملیۆن عراقی ( لە جویر 10 هەزاری) و یەک ملیۆن لە 5 هەزاری وەپی بویە.
هەمیش هیزەیل ئەمنی دەسنانەس وەبان " ئامێریگ پویل شمار و چوار مۆبایل و موهر پویل و ناسنامەیل جیاواز، و توومەتبار و ئەو چشتەیلە گیریاینە دریادە دەس لایەن تایبەت".
