وەردەوەردە و تەقەکردن لەبان پارچە زەوییگ لە زیقار
2023-04-09T07:50:45+00:00
شەفەق نیوز/ سەرچەوەیگ ئەمنی لە پارێزگای زیقار، ئمڕوو یەکشەممە، خەوەردا لە قومیان جەنگ هووزانەی سەختیگ لە شار ناسریە لەبان پارچە زەوییگ کشتوکاڵی.
سەرچەوەگە ئەرا ئاژانس شەفەق نیوز وت: مرافەیگ هووزانە کەفتە ناوبەین کەسەیلیگ لە هووز ئال سفاح رەسیە وەکارهاوردن چەک سووک و ناوڕاس لە ناحیەی عکێکە باشوور شار ناسریە.
سەرچەوەگە دیاری کرد ک جەنجەگە لەبان پارچە زەوییگ کشتوکاڵی بویە، و دوو کەسیش زەخمدار بوین.
وتیش: هیز ئەمنی گەورەیگ چگە ناو ناحیەگە و مرافەگە کپەو کرد، و کەفتنە شوین تەقەکەرەیل ک بەشیگیان وەرەو ناوچەی ئەهوار واین، و ٥ کەس لەلیان دەسگیر کردن.
