وەردەوەردەی خیزانی کۆتایی وە ژیان دوو کەس تیارێد لە بەسرە
2024-01-30T09:20:12+00:00
شەفەق نیوز/ سەرچەوەیگ ئەمنی لە پارێزگای بەسڕە، ئمڕوو سێشەممە، خەوەردا لە کوشیان دوو کەس وە پەلامار چەکداری لە خوەرهەڵات شار بەسڕە ناوەن پارێزگاگە.
سەرچەوەگە وە ئاژانس شەفەق نیوز وت، "کەسەیل نەناسریایگ تەقە لە دوو کەس کردنە لە نزیک ماڵ خوەیان لە قەزای شەت عەرەب خوەرهەڵات شار بەسڕە و دەسوەجی گیان لەدەسدانە".
سەرچەوەگە وتیش، "وەپای لیکۆڵینەوەیل سەرەتایی لە رویداوەگە دەرچگە هووکار پەلامارەگە چوودەو ئەرا گیچەڵ خێزانی ناوەین هەردوگڵا کەسە تاوانبارەیلە ناسریانە وەلایەن هێزەیل ئەمنی وەدویاچگن ئەرایان کرێد وە مەبەست دەسگیرکردنیان".
