وەگەرد بڕیان یەکجاری کارەبا هیزگردن ئاگریگ لەناو ویستگەی کارەبای بەسرە
2023-07-29T11:44:01+00:00
شەفەق نیوز/ سەرچەوەیگ ئاگادار، ئمڕوو شەممە، خەوەردا لە هیزگردن ئاگریگ لەناو ویستگەی کارەبا لە پارێزگای بەسرە، ک بویە مدوو بڕیان وزە، وەگەرد گیچەڵیگ هونەری کە کارەبا لە چەن پارێزگایگ عراقی بڕێد.
سەرچەوەگە ئەرا ئاژانس شەفەق نیوز وت: ئاگرەگە لەناو ویستگەی بەکر لە پارێزگای بەسرە هیز گرد، وەگەرد داوەزیان وزەگە لە ناوچەیل باشوور، هەمیش وەگەرد بڕیان کڕ کارەبا ناوەین پارێزگایل ناوڕاس و باشوور.
وەرجەیە، سەرچەوەیگ ئەرا ئاژانس شەفەق نیوز وت: هووکار بڕیان کارەباگە چوودەو ئەرا گیچەڵیگ هونەری لە کڕ واست ٤٠٠، ناوەین پارێزگایل ناوڕاس و باشوور.
