وە توومەت دزیکردن.. فەرمانیگ دادوەری وە دەسگیرکردن وەڕیەوبەر نویسینگەی نەخیل

 شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە دەرچگن فەرمانیگ دادوەری وە دەسگیرکردن وەڕیەوبەر نویسینگەی کۆمپانیای نەخیل  "ماستەر کارد" ، لە باشوور عراق.   

سەرچەوەگە ئەرا ئاژانس شەفەق نیوز وت: دادوەر دادگای دەسپاکی لە پارێزگاگە، فەرمان دەسگیرکردن لەبان وەڕیەوبەر نویسینگەی کۆمپانیای نەخیل لە ناوچەی باشوور دەرکرد، وەتوومەت دزیکردن پویل ک رەسێدە زیاتر لە نیم ملێار دینار عراقی، لە بردن پویل وەبی بنمایەی یاسایی لە خانەنشینەیل و چەودیری کۆمەڵایەتی.  

سەرچەوەگە وتیش: فەرمان دەسگیرکردنی لەبنەمای فەرمانەیل مادەی ٣١٦ لە یاسای سزادان عراقی شمارەی ١١١ ئەرا ساڵ ١٩٦٩ دەرچگ.