دەسگیرکردن توومەتباریگ وە دەسدرۊژیکردن لەبان مامووستایگ لە زیقار

شەفەق نیوز/ سەرچەوەیگ لە پۆلیس پارێزگای زیقار، ئمڕوو سێشەممە، خەوەردا لە دەسگیرکردن توومەتباریگ وە دەسدرۊژیکردن لەبان مامووستایگ لەیەکیگ لە قەزایل پارێزگاگە.  

سەرچەوەگە ئەرا ئاژانس شەفەق نیوز وت: پۆلیس قەزای شەترە توەنست کابرایگ دەسگیر بکەێد، دەسدرۊژی لەبان یەکیگ لە ئەندام کادرەیل مامووستایی لە قەزاگە کردیە.   

وتیش: توومەتبارەگە دریا دەس لایەنەیل پەیوەندیدار تا ریکارەیل یاسایی جیوەجی بکەێد، دویای ئەوەگ لەلایەن ئەو مامووستا و هەمیش لەلایەن پەروەردەی پارێزگاگە سکاڵای دادوەری لەبانی توومار کریاگە.