وە بەشداریکردن نۆ دەوڵەت دەسکریا کۆنگری بەغداد

شەفەق نیوز/ لە بەغداد پایتەخت عراق، ئمڕوو شەممە، دەسکریا کارەیل لوتکەی هاوکاری و هاوبەشی وە بەشداریکردن نۆ دەوڵەت.

دوێەشەو ئیمانۆیل ماکڕۆن سەرۆک فەڕەنسا رەسیە بەغداد، ئیجا شاندەیل ئەو دەوڵەتەیلە لە شەوەکی زوی دەسکردنە هاتن، ک خوەیان؛ عەبدولڵای سانی شاه ئوردن، حەمەد بین تەمیم شازادەی قەتەر، عەبدولفەفتاح سیسی سەرۆک میسر، سەباح خالد سوباح سەرۆک وەزیرەیل کوەیت، محمد بن راشد سەرۆک وەزیرەیل ئیمارات، حسێن ئەمیر عەبدولەهیان وەزیر دەرەوەی ئیران، فەیسەڵ ببن فەرحان وەزیر دەرەوەی سعودیە، مەولوود چاویش ئۆغڵو وەزیر دەرەوەی تورکیا، و هەمیش ئەحمەد ئەبو غێز سکرتێر گشتی جامیعەی عەرەوی، و نایف حەجرەف سکرتێر گشتی ئەنجومەن هاوکاری خەلیجی.