وە ئامانجگردن ماڵ فەرمانبەریگ حکومی لە ئەنجومەن پارێزگا وە بومب.
2024-02-06T12:45:09+00:00
شەفەق نیوز/ سەرچەوەیگ ئەمنی لە پارێزگای میسان، ئمڕوو سێشەممە، خەوەردا لە تەقینەوەی بۆمبیگ نزیک ماڵ یەکیگ لە فەرمانبەرەیل کە لە ئەنجومەن پارێزگاگە کارکەێد.
سەرچەوەگە وە ئاژانس شەفەق نیوز وت، "بۆمبیگ کە مادەیل تەقەمەنی تونیگ هەڵگردبوی تەقیە وەبان ماڵ فەرمانبەریگ یاسایی کە لە دیوان پارێزگای میسان کارکەێد، وە هووکار نادیاریگ لە کویچەی ماموستایەیل لەناوڕاس پارێزگاگە"، وتیش "تەقینەوەگە زەرەد مادەی گەپیگ رەسانیە وە رمانن روی دەێشت ماڵەگە و وەتەواوی و زەرەد رەسانا وە 3 ماشین کە نزیک رویداوەگە بوینە".
سەرچەوەگە وتیش "هێزەیل ئەمنی رەسینەس شوین رویداوەگە و لێکۆڵینەوە لە رویداوەگە وازکردنە".
