وە ئامادەکاری ئەرا سەر ساڵ نوو .. پاپا نۆێل و دار زایینی کەنار ریەیل بەغداد هەڵڕازنێد
کامیرای ئاژانس شەفەق نیوز ک گەردیە چەن ناوچەیگ لە بەغداد، زاقتریان ناوچەی شۆرجە، گەورەترین بازاڕ بازرگانی لە بەغدا، عەرەوانەیل دەسەفرووشەیل و بڕیگ لە دوکانەیل بوینە ناوەند فرووشتن هەرچەگ پەیوەندی وە ئاهەنگیل سەر ساڵ نوو دیرێد، زاقتریان دار جەژن زایینی و دڵنگ پاپا نۆێل وە گەورە و بویچگی، وە ئامادەکاری ئەرا ئاهەنگ.
دەسەفرووشەیل و خاوەن دوکانەیل لە قسەیان ئەرا ئاژانس شەفەق نیوز وتن: نرخ کەرەستەیل سەر ساڵ نوو خاسە، و وەئاسانی کەفێدە دەس خانوادەیل، وەگەرد خوازینیگ لەبانیان، تایبەت وەلایەن زاڕووەیل ک دڵنگ سانتا کرووز پووشن ک وەناو پاپا نۆێل ناسیاگە.
لەلای خوەیانیش، خەڵکەگە هوشداری لە بڕیگ ئاگربازی کردن ک زاڕووەیل ئەرا ئاهەنگ سەر ساڵ سیننەی، وتن: هاتێ کەلەمە لە کەسەیلیگ بخەێد، و فرە کار ئیجویرە بویە و زەخمدار کەسەیلیگ کردگە، و داوای چەودیاریکردن سەختیگ لەبان ئاگربازی کردن.
