گوڵپەی ئاگریگ لەناو دەزگای گەشتوگوزاری ناوڕاس بەغداد.. وێنە
شەفەق نیوز/ وەڕێۆبەرایەتی وەرگری شارستانی، ئمڕوو پەنجشەممە، راگەیان رزگارکردن دوو کەس و کپەوکردن ئاگریگ لەناو دەزگای گەشتوگوزاری ک دەرەیلی بەسیانە، لەناوڕاس بەغداد.
وەڕێۆبەرایەتی وەرگری شارستانی لە بەیاننامەیگ رەسیە ئاژانس شەفەق نیوز وت: تیمەیلی کۆنتڕۆڵ ئاگریگ لە قات شەشەم لە بینای دەزگای گەشتوگوزاری سەروە وەزارت رووشنهویری لە ناوچەی عەلاوی لەناوڕاس بەغداد کردن، وە سەرپەرشتیارەی راستەخۆ لەلایەن لیوا کازم سەڵمان بوهان وەڕێۆبەر گشتی وەرگری شارستانی.
بەیاننامەگە دیاری کرد ک تیمەیل وەرگری شارستانی ناچار بوین پاچینەی ئاگرکپەوکردن دەرەکی لە چەن لاییگەو دانەن تا وەزوی بڕەسنە قاتە سزیایەگە و لە بان بیناگە وەرەو خوار داوەزیەن، چوینکە دەرەیلی بەسیای بوین تا تەقەلای بیەتەبڕەسنە ناو ئاگرەگە و لەو قاتەیل بیناگە دویریەو بخەن.
و دیاری کرد ک تیمەیل وەرگری شارستانی توێنستن دوو فەرمانبەر رزگار بکەن لەناو بیناگە گیر هاتوێن و سەوەتەی پاچینەگە وەکار هاوردن تا داوەزیەن، و کۆتایی وە رووداوەگە هاوردن وەبی تۆمارکردن زەخمداری وەگەرد کەمەوکردن زەرەدە داراییەکان.
