دەرکردن خیزانیگ و کپەوکردن ئاگریگ لەناو کارەگەیگ لەبەغداد
2021-05-15T08:08:44+00:00
شەفەق نیوز/ وەڕێۆبەرایەتی وەرگری شارستانی، ئمڕوو شەممە، راگەیان تیمەیلی خیزانیگ لەناو بینایگ سێ قاتی نیشتەجیی دەرکردن وقاتیگ چوارەم وە ساندویچ پاناڵ لەبانی دروس کریاگە، و بویەسە کارەگایگ ئەرا دروسکردن خواردەمەنی شەعریە لە ناوچەی کەرادە ئەرخیتە لەناوڕاس بەغداد پایتەخت، ودووپات کرد ک کارەگاگە وەگورەی رینمایل سەڵامەتی نییە.
وەڕێۆبەرایەتیەگە لە بەیاننامەیگ رەسیە ئاژانس شەفەق نیوز وت:پلەکانەی بینا بەرزەیل ئەرا کپەوکردن و رزگارکردن وەکارهاورد تا بیناگە لە کەسەیل ناوی چووڵ بکەێد، وەبی تۆمارکردن زەخمداری، وەگەرد کەمەوکردن زرەدەیل دارایی.
لەپشت ئەوە وەڕێۆبەرایریەتی وەرگری شارستانی داوا لە بنکەی پۆلیس ئەو ناوچە کرد لەبنەمای راپۆرت پسپۆڕ تاوانەیل بچوودە بندرس ئاگرەگە.
