هاوپه‌يمانى سه‌در ئاشكراى دانيشتنيگ ئاشكرا كرد ئه‌را ميواندارى عه‌بدولمه‌هدى
شه‌فه‌ق نيوز/ هاوپه‌يمانى سائرون ك له‌لايه‌ن موقته‌دا سه‌در سه‌ركرده‌ى ره‌وت سه‌درێ پشتگيرى ئه‌كريه‌ێد، ئه‌وه ده‌خست ك وه‌زى نزيكه‌يله عادل عه‌بدولمه‌هدى سه‌رۆك وه‌زيره‌يل ميواندارێ ئه‌كريه‌ێد له دانيشتنيگ ئاشكرا له ئه‌نجومه‌ن نوێنه‌ره‌يل.
له‌و باوه‌ته‌و، ماجد وائلى ئه‌ندام له‌بان هاوپه‌يمانيه‌گه ئه‌را شه‌فه‌ق نيوز وت: دوياى ته‌شخيسكردن كاره‌يل كز حكومه‌ت، له يه‌كه‌مين گامه‌يلمان ده‌س ئه‌كه‌يمنه راسه‌وكردن ريڕه‌و كار، ئه‌ويش له‌رێ ميوانداريكردن عادل عه‌بدولمه‌هدى سه‌رۆك وه‌زيره‌يل له دانيشتنيگ ئاشكرا تا ملله‌ت گشتى له‌لێ ئاگادار بدێ وه‌شيوه‌يگ ديار و ئاشكرا.
وائلى هه‌ميش وت: ئامانج له‌ى ميوانداريه ئه‌وه‌سه تا راسه‌وخۆ له عه‌بدولمه‌هدى بفاميم هووكار جێ وه‌جێ نه‌كرن به‌رنامه حكوميه‌گه چه‌س ك هه‌رچه‌نى نزيكه‌ى ساڵێگه له ته‌مه‌ن حكومه‌ت گوزه‌ر ئه‌كا.
