هاتێ چەوەیل ئاو ( مەڵا جەعفەر) لە مەنەلی کوورەو بوون
مازن ئەکرەم خوزاعی وەڕیەوبەر ناحیەی قەزانیە کە وەرجە شەش ساڵ وە جینشینی لە پۆست ئیدارەی مەنەلی بوی، ئەرا ئاژانس شەفەق نیوز وت: تەکان ئاوەیل لە چەوەیلیگ لەبان سنوور ئیران وەگەرد قەزای مەنەلی ک وەپیان ئویشن (چەوەیل مەڵا جەعفەر) لە ٢٥٠م٣/خولەک ئەرا ١٥٠م٣/ خولەک داوەزیا، ئەوەیش لەوەر هوکارەیل نادیاریگ هەرچەن لە وەرز زمسان گوزەشتە واران و لافاویش بویە.
دیاری کرد ک چەوەیل (مەڵا جەعفەر) وەرەو بەنداو مەنەلی تەکان دەن تا خوازینەیل سەرەکی پڕەو بکەن وەگەرد ئاو بیرەیل، هەرچەن تا ئیسە چەوەیل ئیرانی شوین و شمارەیان دیاری نەکریایە، و هەماهەنگی ناوەین لایەن عراق و ئیران خوازێد.
خوزاعی وتیش؛ ئاو ئی چەوەیلە ئەرا نووشین ئایەم نەگونجیایە، و لەناو ویستگەیل ئاو لە پیسی کبریتی پاکەو کریەێد وەرجە تەکاندانی ئەرا خەڵکەگە.
خوزاعی باس رخیگ لە قەیران ئاو نوویگ هەکاتی ساڵەیل گوزەشتە کرد لەوەر کەمی داهات ئاو و داوەزیان ئاوەگە لە بەنداو مەنەلی.
یە چەن ساڵیگە لایەنەیلیگ فەرمی و میللی داوای وەکارهاوردن چەوەیل ئاو مەڵا جەعفەر لەبان سنوور عراق و ئیران کریەێد تا بوودە داهات ئاویگ ئەرا ناوچەیل خوەرھەڵات دیالە (قەزای مەنەلی و ناحیەی قەزانیە).
