هەواڵگری وایین بکوشیگ پیشەگەر لە ری فڕۆکەخانەی نەجەفەو پویچەڵ کەێد

هەواڵگری وایین بکوشیگ پیشەگەر لە ری فڕۆکەخانەی نەجەفەو پویچەڵ کەێد
2024-01-19T12:14:07+00:00
شەفەق نیوز/ سەرچەوەیگ ئەمنی، ئمڕوو جمعە، خەوەردا کە هیزیگ ئەمنی بکوشیگ دەسگیر کرد که تواستیە  بچوودە ناو پارێزگای نەجەف، تا لەڕی فڕۆکەخانەگەی بواێد.

سەرچەوەگە ئەرا ئاژانس شەفەق نیوز وت: “هیزیگ ئەمنی سەروە هەواڵگری توەنست بکوشیگ دەسگیر بکەێد کە بەشداری لە کوشتن ئەفسەریگ پولیس دیوانیە و سێ کارمەن ئاسایش کردیە، رووژ 10ی کانوون دویەم، مەوقەی تەقەلای ئازادکردن دویەتیگ رفیای ل قەزای سۆمەر، و توەنست بواێد دوای ئەوەگ تەقە وەگەرد هیزە ئەمنییەیل کرد.

 سەرچەوەگە وتیش؛ "بکوشەگە تواستیە لەڕی دەروازەی سنووری غامس وەرد پارێزگای دیوانیە بچوودە ناو نەجەف، تا لەڕی فڕۆکەخانەی ناودەوڵەتی پارێزگاگە وەرەو دەیشت عراق بواێد".

Shafaq Live
Shafaq Live