هەفتەی بانان.. زیارەتچیەیل ئیران دویای دوو ساڵ لە دابڕیان تیەنە ناو عراق
شەفەق نیوز/ سەرچەوەیلیگ وەرپرس لە قەزای خانەقین، ئمڕوو پەنجشەممە، خەوەردان ک هاتن زیارەتچیەیل ئیران لە مەرز مەنزەریە لە هەفتەی ئایندە دەسوەپی کەێد، دویای دوو ساڵ دابڕیژ لەوەر پەتای کۆڕۆنا.
عراق و ئیران لە گردەوبوینیگ لە ئاست بەرز، لەناو زەوی ئیران ئەنجام دان، ئەرا رێکخستن وەناوهاتن زیارەتچیەیل ئیران ودەسەیل پاڵپشتی لۆجستیکی لە مەرز مەنزەریە لە خانەقین و مەرز مەنەلی.
وەگورەی رێککەفتەگە، کاروان زیارەتچیەیل لە دەروازەی مەنزەریە تیەنە ناو، و کاروانەیل پاڵپشتی لۆجستیکی و چشتەیل دەسەیل ئیمام حسێن لە مەرز مەنەلی تیەنە ناو، لەبان پلان ئەمنی توکمەیگ ئەرا مقەیەتیکردن ری زیارەتچیەیل.
حەیدەر جومعە سۆرەمەیری وەرپرس دەسەیل ئیمام حسێن لە خانەقین ئەرا ئاژانس شەفەق نیوز وت: گردەوبوینیگ وەگەرد وەڕێەوبەرایەتی مەرز مەنزەریە ئەنجام دریا، ئەرا رێکخستن دەسەیل خزمەتگوزاری ک پیشوازی لە زیارەتچیەیل ئیران کەێد، وداناین میکانزم کار، ودیاری کرد ک لایەن ئیرانی رازی نەوی هویچ دەسەیگ لە دەیشت مەرز مەنزەریە بنریەێد، لەوەر کارەیلیگ ئەمنی وداوی تەرخانکردن ماشین ئەرا هامشوو زیارەتچیەیل لەناو خود مەرزەگە کردن.
حەیدەر سۆرەمیری وتیش: رێککەفتن لایەن عراقی و ئیرانی باس وەناوهاتن ١٠٠-٣٠٠ زیارەتچی لە رووژیگ کەێد ک لە هەفتەی ئایندە دەسوەپی کەێد، لەناو مەزەنەیلیگ ٢٣ زیایبوین زیارەتچیەیل وەگەرد نزیکبوین زیارەت چلە.
