هەفتەی ئایندە.. داوەزین پلەی گەرمی ئەرا خوارترین ئاستی لە تاوسان

شەفەق نیوز/ پێشبینکار کەشناسی،  عەلی جابر زیادی، ئمڕوو چوارشەممە، ئاشکرای هەڵوێست کەشوهەوا لە رووژەیل ئی هەفتە، و دیاری کەشوهەوای سەرەتای هەفتەی ئایندە کرد. 

زیادی ئەرا ئاژانس شەفەق نیوز وت: ئەوەسا ولاتەگە کەفێدە کاریگەری رەدبۊن پارچەی هەوایگ بوودە داوەزین گەورەیگ لە پلەی گەرمی ئەرا یەکەم جارە بڕەسێدە کەمتر لە ٣٠ پلە لە هەولێر و شارەیلیگ تر لە هەرێم  و پارێزگایل هاوسای. 

وتیش: شایەت پارچە سەردەگە، لە رووژ جمعە دەسوەپی بکەێد،  و لە رووژ شەممە رەسێدە گشت شارەیل باکوور،  و گەرمی لە ناوچەیل ناوڕاس کەفێدە ناوڕاس سیەیلە. 

زیادی وتیش؛ ناوچەی باشووری دۊیر نیە لە پارچە سەردەگە،  ک رووژ یەکشەمە لی ئایندە رەسێدە لای، و گەرمیەگە لە بەسرە و میسان ئەرا یەکەم جار داوەزێد،  و مەزەنەس ک کەمتر لە ٤٠ پلەی سەدی توومار بکەن.