هێزە عراقیەگان کونتڕۆڵ "تڕانزێت" داعش کەن و راگەینن کردنی وە شوونیک گەشتیاری
شەفەق نیوز/ فەرماندەیگ ئەمنی، ئمڕوو جمعە، راگەیان کۆنتڕۆڵ کردن تەواوەتی لەبان دوورگەی ستڕاتیژ «کەنعوس» لەناوبەین پارێزگای نەینەوا و سەڵاحەدین، ک جوور ویستگەی هوچانییگ و دابەشکردنیگ ئەرا ئەندامەیا داعش بوی لەناوبەین چوار پارێزگا.
خزەیر مەتڕوحی فەرماندەی ئۆپراسیۆنەگان نەینەوا لە حەشد شەعبی ئەرا ئاژانس شەفەق نیوز وت: دوورگەی «کەنعوس» جوور ویستگەی هوچانیی ودابەشکرنی بوی ئەرا ئەندامەیل داعش "تڕانزێت" لەناوبەین ٤ پارێزگایل کەرکوک و سەڵاحەدین و نەینەوا و دەورگرد هەولێر لە قەزای مەخموور، و دووپاتکرد لە ئەنجامدان ٥٥٪ لە ئۆپراسیۆنەیل پاکەوکردن دار و گژوگیا، و ٨٥٪ لە وەشکینەگان و ماڵین لە هەر مینبگ یا تەقەمەنیبگ.
وئاشکرا کرد ک میواخانەیل گەورایگ ئەرا داعش دینەو و ئەشکەفتەیلگ و شوونەیلیگ لەتیان پەلامارەیل داعش تیرۆرست وەڕیەوچیان، و دیاریکرد ک کەنعوس ویستگەی ئامادەکردن و دابەشکردن ئەرا ستراتیژ داعش لە چەن پارێزگایگ بوی.
مەتڕوحی وتیش؛ گشت ئەندامەیل داعش لە چەن شوونیگەو واین، و رەوانگە وکوشتن هیچ کەسیگیان لەوەخت دەسکردن وە ئۆپراسیۆنەگان تۆمار نەکریا.
فەرماندەی ئۆپراسیۆنەگان حەشد، ئاماژە کرد ک دوورگەی کەنعوس کەفتە ژیر کونتڕۆڵ تەواوەتی، دویای داناین دوو پوڵ ئەرا رەدبوون ماشین و ئامێرەگان وەگەرد ئاڵشتکردنی ئەرا خاوەن پیشە تایبەتەگان وە پیشەسازی و بازرگانی زوخاڵ ، و خوەییش شایستەی ئەوەس ک لە ئایندە بوودە ناوچەیگ گەشتیاری.
