هێزە عراقیەگان خوەیکوشەیلیگ لە داعش گرن و حەشارگەیلیان لە دوو پارێزگا ویران کەن
شەفەق نیوز/ ئاژانس هەواڵگری سەروە وەزارەت ناوخۆ، ئمڕوو سێشەممە، راگەیان دەسگیرکردن سێ کەس لە خوەیکوشەیل داعش لە پارێزگای نەینەوا.
ئاژانسەگە لەبەیانامەیگ رەسیە ئاژانس شەفەق نیوز وت: مەفرەزەگانی لە وەڕێۆبەرایەتی هەواڵگری نەینەوا توێنستن سێ تیرۆرست داواکریاگ لە مادەی ٤ تیرۆر لەوەر لایەنگرییان ئەرا ریخریاگ داعش دەسگیر بکەن.
بەیاننامەگە وتیش؛ ئی داواکریاگەیلە لە کەتیبەی خوەیکوشەگان کارکردنە، و لە لێکۆڵینەوە سەرەتایبەگان ئاشکرای لایەنگرییان ئەرا ریخریاگ داعش و کاریان لەناو کەتیبەگە کردن.
هەرلیوا، سەرچەوەیگ ئەمنی لە دیالە خەوەردا ک هێزەیل سوپا و خەڵکەگە دەسکردنە مینەکردن و وەشکین باخەیل ناوچەی شێخ باوە لە باکوور ناحیەی جەلەولا دویای ویرانکردن ٣ شوون لە داعش لەلایەن فڕۆکەوان جەنگاوەرەی.
سەرچەوەگە مەزەنە کرد لە زەرەدەیل داعش لە شوون گورزە ئاسمانیەگان، وەگەرد هووشداری لە مین و تەقینەوە دیرن ئامارکاری زەرەد وجیماگەیل گورزەگان لەلایەن هێزە ئەمنیەگان وخەڵگەگە لەناو باخەگان کەن.
فڕۆکەیل ئێف ١٦ لە هێز ئاسمانی عراق گورزەیلیگ ئاسمانی لەبان دیوەخان ریخریاگ داعش لە ناوچەی زۆر لەبان چەم دیالە لە خانەقین جیوەجیکردن، وەگورەی شانەی راگەیانن ئەمنی.
