هیزگردن ئاگر لەناو کۆمەڵگەیگ بازرگانی لە دیالە
2023-06-16T12:54:23+00:00
شەفەق نیوز/ سەرچەوەیگ لە وەڕیەوبەرایەت وەرگیری شارستانی پارێزگای دیالە، ئمڕوو جومعە، خەوەردا لە هیزگردن ئاگر لەناو کۆمەلگەیگ بازرگانی لە دەوروگەرد شار بەعقوبە ناوەند پارێزگاگە.
سەرچەوەگە وە ئاژانس شەفەق نیوز وت، ئاگر گەپیگ لەناو کۆمەڵگەیگ بازرگانی فروشتن مۆبیلیات (نەهر ئیبراهیم) هیزگردیە لەبان ری بەعقوبە - کەنعان خوەرهەڵات شارەگە.
دووپاتکرد "مەردمەگە و وەرگیری شارستانی ئاگرەگە کپەوکردنە و نەیشتنە بڕەسێدە دوکانەیل دەوری، لە ئەنجام ئاگرەگە دووکانەگە وە تەواوی سزانییە و زەرەد مادی گەپیگ لە شوینی بویە.
سەرچەوەگە وتیش، هووکار ئاگرەگە نادیارە و لێکۆڵینەوە ئەمنی لە رویداوەگە وەردەوامە.
