نيوزله‌ندا واده‌ى كيشاننه‌وه‌ى هيزه‌يلى له‌ عراق ديارێ كرد

نيوزله‌ندا واده‌ى كيشاننه‌وه‌ى هيزه‌يلى له‌ عراق ديارێ كرد
2019-06-11T11:16:18+00:00

شه‌فه‌ق نيوز/ نيوزله‌ندا ده‌س ئه‌كاده‌ كه‌مه‌وكردن ئه‌ركه‌يلى له‌ عراق, ئه‌ويش له‌ مانگ ئاينده‌وه‌ وه‌ل كيشاننه‌وه‌ى سه‌بازه‌يلێ له‌ ناوڕاس ساڵ 2020, جوور ئه‌وه‌گ جاسيندا ئه‌رديرن سه‌رۆك وه‌زيره‌يل ئاشكراى كرد.

 

له‌و باوه‌ته‌و، ئاژانس رووژنامه‌گه‌رێ فه‌ره‌نسى له‌ زووان ئه‌رديرن وت: هيزيگ بويچگ ك حاڵ حازر 94 سه‌رباز له‌خوه‌ى گرتگه‌ شان وه‌شان سوپاى ئوسترالى كار ئه‌كه‌ن له‌ بنگه‌ى سه‌ربازى تاجى له‌ باكوور به‌غداو ئه‌ركه‌يلى ته‌واو بويه‌.

 

ئاژانسه‌گه‌ وت: ئيسه‌يش وه‌خت كيشاننه‌وه‌ى هيزه‌يل هاتگه‌و يه‌يش ده‌رخست ك له‌و بنگه‌ى سه‌ربازيه‌ له‌ تاجى مه‌شق وه‌ 44 هه‌زار سه‌رباز له‌ هيزه‌يل ئه‌منى عراقى درياگه‌و هيزه‌يل نيوزله‌ندى و ئوسترالى هه‌وڵ فريه‌يگ دانه‌ له‌ تاجى، نه‌ك هه‌ر له‌ مه‌شقداين، به‌ڵكوو ئه‌را زه‌مانه‌ت ئه‌وه‌گ هيزه‌يل عراقى تواناى پشتبه‌سانن وه‌خوه‌يان داشتوون له‌ ئاينده‌ى نزيكيگ.

Shafaq Live
Shafaq Live