نزیک لە ١٣٧٠ دینار بەرزەوبوین نرخ دۆلار لە بەغداد و کوردستان

شەفەق نیوز/ ئمڕوو شەممە ١٩ی کانون یەکەم ٢٠٢٠ ، نرخ  دۆلار   لە بازاڕەگان بەغداد  بەرزەو بوی.

پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٣٦٨٠٠ دینار عراقی وەرانوەر ١٠٠ دۆلار ئەمریکی تۆمارکرد، و بۆڕسەی حارسیە لە بەغداد ١٣٦٨٠٠ دینار وەرانوەر ١٠٠ دۆلار  تۆمار کرد.

ئیوارەی رووژ پەنجشەممەی گوزەیشتە، نرخ دۆلار لە بۆڕسەی کیفاح رەسیە ١٣١٥٠٠ دینار وەرانوەر ١٠٠ دۆلار ئەمریکی.

پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد هەمیش بەرزەو بوی ک نرخ فرووشتن رەسیە ١٣٨٠٠٠ دینار عراقی، ونرخ سەنین رەسیە ١٣٦٠٠٠ دینار وەرانوەر ١٠٠دۆلار ئەمریکی.