بەرزەوبوین كەمیگ لە نرخ خەرج دۆلار لە بەغداد وهەرێم کوردستان
شەفەق نیوز/ ئمڕوو سێشەممە ١٧ی تەشرین دوویەم ٢٠٢٠ ، نرخ خەرج دۆلار وەشیوەی کەمیگ بەرزەوبوی لە بازاڕەگان بەغداد وهەرێم کوردستان.
پەیامنێر ئاژانس شەفەق نیوز وت: بۆڕسەی کیفاح ناوەندی ئمڕوو، ١٢٤٩٠٠ دینار عراقی وەرانوەر ١٠٠ دۆلار ئەمریکی تۆمارکرد.
بۆڕسەی حارسیە لە بەغداد ١٢٤٩٠٠ دینار وەرانوەر ١٠٠ دۆلار ئەمریکی تۆمارکرد. دوێەکە دووشەممە، نرخ خەرج دۆلار لە بۆڕسەی کیفاح رەسیە ١٢٤٨٥٠ دینار وەرانوەر ١٠٠ دۆلار ئەمریکی.
پەیامنێرەگەمان ئاماژەدا ک نرخ فرووشتن و سەنەین لە بازاڕە ناوخۆیەگان لە بەغداد بەرزەوبوی ک نرخ فرووشتن رەسیە ١٢٥٥٠٠ دینار عراقی، ونرخ سەنین رەسیە ١٢٤٥٠٠ دینار وەرانوەر ١٠٠دۆلار ئەمریکی.
لە هەولێر پایتەخت هەرێم کوردستان نرخ خەرج دۆلار هەمیش بەرزەوبوین وەخوەی دی ک نرخ فرووشتن رەسیە ١٢٤٩٠٠ دینار وەرانوەر ١٠٠ دۆلار، و سەنین بویە ١٢٤٧٠٠ دینار وەرانوەر ١٠٠ دۆلار ئەمریکی.
