نرخ دۆلار لە کوردستان بەرزەو بوود دۊیای داوەزینی لە بەغداد

نرخ دۆلار لە کوردستان بەرزەو بوود دۊیای داوەزینی لە بەغداد
2021-10-04T07:54:48+00:00

شەفەق نیوز/ نرخ دۆلار ئەمریکی وەرانوەر دینار عراقی، ئمڕوو دووشەممە  وەشیوەی کەمیگ لە بۆرسەی سەرەکی بەغداد داوەزیا،  و لە هەرێم کوردستان بەرزەو بۊی.  

پەیامنێر ئاژانس شەفەق نيوز وت: بۆرسەی کیفاح و حارسیە لە بەغداد، شەوەکی ئمڕوو دووشەممە، رەسیە ١٤٧٦٠٠ دینار عراقی وەرانوەر ١٠٠ دۆلار ئەمریکی. 

دۊیەکە یەکشەممە،  نرخ دۆلار رەسیە ١٤٧٦٥٠ دینار وەرانوەر ١٠٠ دۆلار ئەمریکی.   پەیامنێرمان وتیش؛ نرخ فرووشتن و سەنین لە دوکانەیل بەغداد پایتەخت ئارام گرت، ک نرخ فرووشتن رەسیە ١٤٨٠٠٠ دینار عراقی وەرانوەر ١٠٠ دۆلار ئەمریکی،  و نرخ سەنینی رەسیە ١٤٧٠٠٠ دینار.  

لە هەولێر پایتەخت هەرێم کوردستان، نرخ دۆلار بەرزەوبۊن وەخوەی دی، ک نرخ فرووشتن رەسیە ١٤٧٩٠٠ دینار وەرانوەر ١٠٠ دۆلار ئەمریکی،  و نرخ سەنینی رەسیە ١٤٧٦٠٠ دینار.              

Shafaq Live
Shafaq Live