نرخ دۆلار ئەرا نزیک ١٥٠ هەزار دینار بەرزەو بوود
شەفەق نیوز/ نرخ دۆلار ئەمریکی وەرانوەر دینار عراقی، ئمڕوو دووشەممە، لە بۆرسەی سەرەکی بەغداد بەرزەو بوی، تا رەسیە نزیک ١٥٠ هەزار دینار، لەوەختیگ ک خاوەن نویسینگەیگ دراو وت: بازرگانێکردن دراو شیویا.
پەیامنێر ئاژانس شەفەق نيوز وت: نرخ ١٠٠ دۆلار ئەمریکی لە بۆرسەی کیفاح و حارسیە لە بەغداد، لە ساعەت یەک ونیم نیمەڕو ئمڕوو، رەسیە ١٤٩٧٠٠ دینار عراقی.
شەوەکی ئمڕوو، نرخ ١٠٠ دۆلار ئەمریکی رەسیە ١٤٩٤٠٠ دینار عراقی.
پەیامنێر ئاژانسمان وتیش: نرخ فرووشتن و سەنین لە دوکانەیل بەغداد بەرزەو بوی، ک نرخ فرووشتن رەسیە ١٥٠٠٠٠ دینار عراقی وەرانوەر ١٠٠ دۆلار ئەمریکی، و نرخ سەنینی رەسیە ١٤٩٥٠٠ دینار عراقی.
خاوەن دوکان (باحە) ئەرا ئاڵشتکردن پویل ئەرا ئاژانس شەفەق نیوز وت: نرخەیل ئمڕوو بەرزەو بوین، تا کەفتنە نزیک نرخ بۆرسە وە ١٥٠ هەزار دینار وەرانوەر ١٠٠ دۆلار، و دیاری کرد ک ڕینمایل نوو بانکەگە و وسانن ١٤ بانک لەی ماوەی دویاییە هانە پشت بەرزەوبوین نرخ دۆلار.
وتیش: بازاڕ دۆلار پەکی کەفت ە بازرگانی دراو وسیاگە و سەنین و فرووشتن دۆلار وسیاگە، و تەنیا شمارە ئەژنەویمن، و مەزەنە کرد تا ماوەیگ وەیجویرە بمینێد تا ئارام بوود.
