ئەندامەیل لەشی دزیایە.. پەیاکردن تەرم گەنجیگ لەناو کیسەیگ لە بەغداد
2023-08-06T12:37:14+00:00
شەفەق نیوز/ سەرچەوەیگ ئەمنی، ئمڕوو یەکشەممە، خەوەردا لە پەیاکردن تەرم گەنجیگ لەناو کیسەی کەناڵخە لە بەغداد پایتەخت.
سەرچەوەگە ئەرا ئاژانس شەفەق نیوز وت: گەنجەگە لە تەمەن ١٩ ساڵانە و تەرمەگەی لەناو کیسەی کەناڵخە لە شوین فڕەداین گەناڵخە لە ناوچەی بەلەدیات پەیا کریا.
دیاری کرد ک مەوقەی نووڕستن کامیرایل چەودیاری، دەرکەفت ک ماشینیگ شارەوانی رەسافە تەرمەگە هاوردەیە، و دویای لێکۆڵینەوە دەرکەفت لە ناوچەی نەهزە هاوردیەسەی و نەزانستیە چە هاناوی.
وەگورەی سەرچەوەگە، وە تەرمەگە دیارە ک تاسیایە و ناوزگی و ئەندامەیل زاوزیی دزیایە، و پارچەی پەڕوو وەقەی ملی بویە ک وەپی تاسیایە.
