ناوچەیگ عراقی هالە ناو گەرمترین ناوچەیل جهان
شەفەق نیوز/ ناوچەیگ لە باشوور عراق، ئمڕوو پەنجشەممە، کەفتە ناو گەرمترین ناوچەیل جهان لە ماوەی ٢٤ ساعەت گوزەیشتە.
ویستکەی پلاسیرفیلی لە کالیفۆڕنیای ئەمریکا، خشتەیگ وە ١٥ ناوچە و شار جهانی بڵاو کرد ک بەرزترین پلەی گەرمی لە جهان لە ماوەی ٢٤ ساعەت گوزەیشتە تۆمار کردنە، ک لەناو خشتەگە ناوچەی لوفی لە دەوڵەت ساموا بەرزترین پلەی گەرمی لە جهان تۆمار کرد وە ٥٤،٣ پلەی سەدی، ئیجا ناوچەی جەهرا لە کوەیت وە ٥٠،٥ پلەی سەدی، و لە پلەی سێیەم ناوچەی عەبدەلی لە کوەیت وە ٤٩،٣ پلەی سەدی، و ناوچەی فڕۆکەخانەی ناودەوڵەتی کوەیت کەفتە پلەی پەنجەم وە ٤٩،٣ پلەی سەدی.
لە خشتەگە ناوچەی موتربە لە کوەیت ٤٩،٣ پلەی سەدی تۆمار کرد، ئیجا ناوچەی وەفرە لە کوەیت وە ٤٨،٨ پلەی سەدی، و ناوچەی سابریە لە کوەیت کەفتە پلەی ١٣ هەم وە ٤٨،٧ پلەی سەدی، ئیجا ناوچەی حوسەین لە بەسرە لە پلەی ١٤ هەم وە ٤٨،٥ پلەی سەدی، ئیجا فڕۆکەخانەی شاه فەهەد لە سعودیە وە ٣٨،٤ پلەی سەدی.
